Lekuak zabaltzeko dren ateak guretzat lekuak
zarratzeko,
egunaren irrikitan iragandako gauen ondoren
gauaren zain hasitako egunak,
jan ez dugun ogia hurrineko mahai gainean
lizuntzen,
geografia liburuetan ageri ez den herri bat
gure herria,
erori gareneko zuloa hondatzen gaituen
zuloa,
jasotzen ez dugun mosua ematen ez ditugun mosuen
osinean itotzen,
esaten ditugun hitzak esaten ez ditugunak lako
mahats garaun garratzak,
ez ditugun zihurtasunak gure zihurtasun
bizi bakarra.
Deria eza, dena gabezia eta dena mingarria
besamotzaren besoa bezala.
